KDE Connect tilbyr eit sett funksjonar som lèt deg enkelt arbeida på tvers av einingar:

– Overfør filer mellom einingane
– Få trådlaus tilgang til filer på telefonen frå datamaskina
– Del utklippsbilete: kopier og lim inn mellom einingane
– Vert varsla på datamaskina om innkommande samtalar og tekstmeldingar
– Virtuell styreplate: bruk telefon­skjermen som styreplate for datamaskina
– Synkronisering av varslingar: få tilgang til telefon­varslingar frå datamaskina og svar på meldingar
– Fjernkontroll av medieavspeling: bruk telefonen til å styra Linux-baserte mediespelarar
– Wi-Fi-tilkopling: du treng ikkje USB- eller Bluetooth-tilkopling
– Ende-til-ende-kryptering: informasjonen din er trygg

Merk at du må installera KDE Connect på datamaskina for å kunna bruka appen. Hugs å halda PC-versjonen oppdatert med Android-versjonen for tilgang til dei nyaste funksjonane.

Informasjon om sensitive løyve:
– Tilgjenge-løyve: Trengst for å kunna ta imot tastetrykk frå PC for å styra Android-eininga om du brukar funksjonen «Fjernstyring»
– Bakgrunns­løyve til å sjå geografiske posisjon: Trengst for å veta kva Wi-Fi-nettverk du er tilkopla om du brukar funksjonen «Tiltrudde nettverk»

KDE Connect sender aldri informasjon til KDE eller nokon tredjepart. Programmet sender data direkte mellom dei to einingane via lokalnettet, aldri via Internett og alltid med ende-til-ende-kryptering.

Appen er ein del av eit fri programvare-prosjekt og er blitt til takka vera mange bidragsytarar. Gå til heimesida for å sjå kjeldekoden.