Loop ჩვევების ტრეკერია, რომელიც გეხმარება ყოველდღიურობისთვის სასარგებლო ჩვევები გამოიმუშავო და ხანგრძლივად შეინარჩუნო. დეტალური დიაგრამებითა და სტატისტიკით წარმოდგენა გექმნება, თუ როგორ ვითარდება და მყარდება შენი ჩვევები. აპლიკაცია ურეკლამო და ღია კოდის მქონეა და ის იცავს შენს კონფიდენციალურობას.

<b>ლამაზი, მინიმალისტური და მსუბუქი ინტერფეისი</b>
Loop-ს ელეგანტური და მინიმალისტური ინტერფეისი აქვს, რომელიც დამწყები მომხმარებლებისთვისაც კი ადვილად მოსახმარია. აპლიკაცია დახვეწილია სიჩქარისთვის, ამიტომ ძველ მოწყობილობებზეც კარგად მუშაობს.

<b>ჩვევების შეფასება</b>
Loop დახვეწილი ფორმულის მეშვეობით ითვლის ჩვევების გაჯდომის დონეს. ყოველი გამეორებით იზრდება ჩვევის გაჯდომის დონე, გაცდენილი დღეების შემთხვევაში კი მცირდება. თუმცა ხანგრძლივი სერიის შემდეგ რამდენიმე დღის გაცდენით არ მოიშლება შენი მთლიანი პროგრესი, ბევრი სხვა „შეინარჩუნე-სერია“ სახის აპლიკაციისგან განსხვავებით.

<b>მორგებადი განრიგი</b>
ყოველდღიური ჩვევების გარდა Loop-ში ასევე ისეთი ჩვევების შექმნა შეიძლება, რომლებსაც უფრო რთული განრიგი აქვთ. მაგალითად: „კვირაში 3-ჯერ“ ან „ყოველ მე-2 დღეს“.

<b>შემახსენებელი შეტყობინებები</b>
დააყენე შეტყობინებები, რათა ჩვევები გაგახსენდეს. ყველა ჩვევას შეუძლია საკუთარი შემახსენებელი შეტყობინება ჰქონდეს დღის სასურველ დროს. ჩვევასთან თოლიის (✓) ჩანიშვნა შეტყობინებიდანვე შეგიძლია.

<b>ვიჯეტები</b>
გაიხსენე ჩვევები ტელეფონის ყოველ განბლოკვაზე. ფერადი ვიჯეტებით გეძლევა იმის საშუალება, რომ ჩვევები საწყისი ეკრანიდანვე, აპლიკაციის გახსნის გარეშე, მართო.

<b>უხელმძღვანელე შენს მონაცემებს</b>
მონაცემთა უფრო დეტალური ანალიზის გაკეთების ან სხვა სერვისზე გადატანის სურვილის არსებობის შემთხვევაში Loop საშუალებას გაძლევს, ისინი ელექტრონული ცხრილის (CSV) ან მონაცემთა ბაზის ფაილად (SQLite) დააექსპორტო. გამოცდილ მომხმარებლებს შეუძლიათ თოლიები (✓) ჩაამატონ სხვა აპლიკაციებით, როგორიცაა, მაგალითად, Tasker.

<b>შეუზღუდავი</b>
იმდენ ჩვევას ადევნე თვალი, რამდენსაც ისურვებ. Loop არ ზღუდავს ჩვევების შესაძლო რაოდენობას. ყველა ფუნქცია ხელმისაწვდომია ნებისმიერი მომხმარებელისთვის. არ აქვს აპლიკაციის შიდა შენაძენები.

<b>ურეკლამო და ღია კოდით</b>
აპლიკაციას არ აქვს და არც არასდროს ექნება რეკლამები, შემაწუხებელი შეტყობინებები, ან მოთხოვნა ზედმეტ ნებართვაზე. აპლიკაციის საწყისი კოდი მთლიანად ღიაა. (GPLv3)

<b>მუშაობს ხაზგარეშე რეჟიმში და პატივს სცემს შენს კონფიდენციალურობას</b>
Loop არ საჭიროებს ინტერნეტკავშირს ან ონლაინ ანგარიშის რეგისტრაციას. შენი პირადი მონაცემები არასდროს გაზიარდება მესამე პირებთან. მონაცემებზე წვდომა არც დეველოპერს და არც მესამე პირებს გააჩნიათ.

