<i>SD Maid 2/SE</i> - bul Androidıńızdıń taza hám tártipli saqlaw ushın isenimli járdemshisi.

Hesh kim kámil emes, Android ta sonday.
* Siz álleqashan óshirip taslaǵan qosımshalar iz qaldıradı.
* Sizge kerek bolmaǵan jurnallar, buzılıwlar haqqında esabatlar hám basqa fayllar úzliksiz jaratılıp atır.
* Saqlaw ornıńız siz tanımaǵan fayllar hám papkalardı jıynap atır.
* Galereyańızdaǵı qaytalanatuǵın súwretler.

Keliń, dawam etpeymiz... SD Maid 2/SE sizge járdem bersin!

SD Maid 2/SE - bul qaysı qosımshalar qurılmańızda arnawlı fayllardı jaratqanın biliwge qánigelesken qosımsha hám fayl menedjeri. SD Maid 2/SE qurılmańızdı izleydi hám saqlaw ornın qáwipsiz bosatıw ushın variantlardı usınıw maqsetinde fayllardı ornatılǵan qosımshalar menen salıstıradı.

✨ Qosımshalardı óshirgennen keyin tazalaw
Eger qosımshalar belgili papkalarınan sırtta fayllar jaratsa, fayllar qosımshalardı óshirgennen keyin de qalıwı múmkin. "Qaldıq İzlàwshi" quralı qosımsha qaldıqların tabadı, olar qaysı qosımshaǵa tiyisli ekenligin aytadı hám olardı óshiriwge járdemlesedi.

🔍 Qurılmańızdı aqıllı usılda izleń
Bos papkalar, waqtınshalıq fayllar, álleqashan ornatılǵan qosımshalar hám basqalar ushın filtrleń. Hátte óz izlew kriteryalarıńızdı da jarata alasız. "Sistema Tazalawshı" quralı qurılmańızdı avtomat túrde izlewge hám hár túrli kriteryalarǵa tiykarlanıp fayllardı óshiriwge imkaniyat beredi.

🧹 Kerek emes fayllar hám jasırın keshlardi óshiriń
Kishireytilgen súwretler, shıǵındı shelekleri, oflayn keshler hám basqalar: Eger qosımshalar óz artınan tazalamasa, bul qosımsha onı isleydi. "Qosımsha Tazalawshı" quralı kerek emes faylları bar qosımshalardı tabadı.

📦 Barlıq qosımshalarıńızdı basqarıń
Qurılmańızda ornatılǵan barlıq qosımshalardıń keń kólemli dizimin alıń. Aktivlestirilgen, óshirilgen, paydalanıwshı yamasa sistema qosımshası: hesh bir qosımsha sizden jasırına almaydı. "Qosımsha Basqarıwshısı" quralı qosımshalarıńızdı izlewge, tártiplewge hám basqarıwǵa imkaniyat beretuǵın qosımsha menedjeri.

📊 Barlıq bos orın nege isletilip atır
Saqlaw ornın basqarıw telefon saqlaw ornı, SD kartalar hám USB qurılmalarındaǵı qosımshalar, media, sistema hám basqa fayllar menen quramalı bolıwı múmkin. "Saqlaw Ornı Analizatori" - bul qurılmańızda bos orın qalay isletilip atırǵanın kórsetetuǵın fayl menedjeri bolıp, saqlaw ornın basqarıwdı ápiwayılastıradı.

📷 Qaytalanatuǵın maǵlıwmatlardı tabıń
Qaytalanatuǵın júklep alıwlar, sociallıq tarmaqlar arqalı jiberilgen súwretler yamasa tek bir kórinistiń uqsas súwretleri: Waqıt ótiwi menen nusqalar jıynalıwı múmkin. "Dublikatlardı Óshiriwshi" quralı tap sol yamasa uqsas fayllardı tabadı hám artıqsha nusqalardı óshiriwge járdemlesedi.

Bul qosımsha reklamasız. Ayırım funkciyalar tólemli jańalanıwdı talap etedi.

SD Maid 2/SE - bul SD Maid 1/Legacy-dıń miyrasxorı.
Jańa Android versiyaları ushın optimallastırılǵan hám tazalawǵa baǵdarlanǵan.

Bul qosımshada zerikerli háreketlerdi avtomatlastırıw ushın Qolaylıq Xızmeti API-sin paydalanatuǵın qosımsha funkciyalar bar.
Qolaylıq Xızmeti API-sin paydalanıp, bul qosımsha bir neshe qosımshalarda operaciyalardı orınlaw ushın siziń ushın túymelerdi basıwı múmkin, mısalı, keshlerdi óshiriw.
Bul qosımsha maǵlıwmat jıynaw ushın Qolaylıq Xızmeti API-sin paydalanbaydı.

SD Maid 2/SE - bul Fayl Menedjeri & Tazalawshı Qosımsha.